Mark 7

Akunnu Tukwoda Ɓa Nya Yesu Aɓo

1Nwyihoi a Yahudawayi adini tukwoda ɓa knu Urushelima ntu, ge ɓa dna Yesu wye. 2Ɓa gye Wo j abara ɓai gyi nyagyi to ɓai zhin a Yahudawayi knunun, 3(Gama a Yahudawayi tun baga a Farisawayi, ɓata gyi nyagyi to ɓai nabwa n na bwagma yi m, shi ɓa knunu kwokwoyi kwo da. 4Sanu ɓa zhi gnikwo, tilas ɓa zhan ɓahin kpa kafin ɓa gyi nyagyi. Ɓa na knunu ye pya yi lo mwabegye tunyi sapa ɓai zhin ɓa, har naiye ngye aknunu shaknu zhan nya, na kwanu zhan yi.)

5Ntu lonu, adini tukwoda ɓa nya wo ge, “Knihi nu zhin to ho abarayi vi yi aknunu ma? Ntu ge ɓa gyi nyagyi to ɓai nabwa kpam.”

6– 7Yesu wa gnaɓa ge, “Efye amu-nafici da! Ishaya Anabi wa wufye bmi pai-pai sa n wa ci cei ge, ‘Azaye ci Shekwoyi ngbeyi nu, ama ɓa ta yewo n ɓa bugba min. Ɓa gami mwa-mwa gbeloyi nu, ntu ge ɓa gna aza ge Shekwoyi gnage a shi ɓa wyidna bwa. Ishaya da gaiciya nu.’

8– 9“Ntuge fye shan Shekwoyi wa do n ye knunu yi. Ɓehin-hin, fye na Shekwoyi owa ɓo nu fye shi fya knunu bwa.

10“She Musa ɓei ga fye gbetu deye n Shekwoyi aba: ‘Gaho dada mwa-mwa nho-yayi.’ Wacige znu wa da ɓeda nukwoyi tu wa zakwoyi tukwo, wo ɓa fyi. 11Amma fya cige, Ɓenukwoi nu ton nza gye wa zakwoyi fyi n san, wa ci ɓa ge, ‘Aiya mitami ma bmafye zhin m, ntu ge nya mi ɓei ɓa ga fye nyi, mi la ga Shekwoyi.’ 12– 13N lonu fye bma Shekwoyi awyidna ya n nabai fya shi aknunu bwa n zanyi-koci wa zhin, aknunu ypya lo n mwa begye.”

14Nnavun Yesu wa yi aza ge ɓa ɓe ɓa wo. Wa ciɓa ge, “Efye viyan, fye wo, fya fwa kwa lofye njesun. 15– 16Efya wye-wye tabwa nyasan, ntu nyaɓo fye gyi m, sai nya fye zhin nubo ceyi, fyei da!”

17Navun Wa lolo puwa mi, ntuge Wa lka na za aba, owo abara ɓa nyawo owo ɓeda awyega.

18Fye to na wyegai lo cen, nge nya gyi, konu tatu fye cegye n? 19Gama nyagyi ta siho bugbam, ama kwo diya lo nubo mi. (Owo ɓeda lonu ko wuge nyagyi doho dohoi gyi-gyi-yi.)

20Wa cige. “Aɓo nubo zhin nukwoyi nu tuza cegye. 21– 22Gama n za bugbanu n na nubo zhin nukwoi knu, nayi dhakpe, eviwyi, zawu, Kwocedna, azanya pwa wo, anagbayi zhin, shewo, ɓonukwoi mwi, akmikni, tukwo mwa, nyaze, na ɓenukwoyi vinya. 23A nya nukwoyi ye vinya knu n ʼzami nu, ɓanu tu za cegye to Shekwoyi wa gwo zam.”

Ɓeho-ɓehoyi Nwa Zhin Kwo Zhin Ɓewowoyi Nu.

24Nnavun Wa fwa Galili Wa lo Taya kni n Sida yi, to Wa ye a kpe ge Wo la ɓem, ama to kwa zhin m, gama Owo ɓeɓe nabari ɓei la lapwi wolo-wolo she kwo shin zhin.

25Nsagmanyi yi, nyikwoza ho wa ɓe, n na alijanu bei wan wo nyigun. Wo bei ku Yesu nabari wo, wa ɓe wa yashi n Yesu abye. 26Wa gyiwo wye ge wo kawo nyigun gna. (Ama wo ɓei zhin Sirufunikiyi nu “ebye wyegba ci nya.”)

27Yesu wa gnawo, “Kwo bmiya Ma bma ma zanu zhin kpa – a Yahudawayi, kwo to bmiya a la aɓi nyagyi a ga amwi m.”

28Nyikwoza ho wa cige, “a zhin a ga amwi biyi nba zhi n tabul sinta, dna na ɓi nyagyi ba gyi nya kwoce nyi.”

29Wa ciwo ge, “Hada dai-dai! Mi la ho nyigun kagna, lo ho nya. Alijanu la ho ɓi fwa!”

30Sa nu wo ɓei si apyi, wa gye wo ɓi wangye tu n gado, Alijanu yi lawo fwa.

31Wa gmi n Taya W lo Sida, Wa jezelo Galili ʼla n na zhi ngun awo zokwo yi. 32Aɓe Wo n tnubua-gunayi woi san gu-gulo n jesun. Aza vinya ba gyi Yesu wye ge Wo to wo bwa Wa kawo gna.

33Yesu wa gmi wo n na za, Wa lo nwoi Wa dna wo bwanyi n tnubua. Wa kni akni kpe n bwanyi Wa to wo nyitala bwa n cei. 34Wa kpewye wu She, Wa ya sun Wa ciege, “Guya.” 35N sayi-sayi yi, wa ya atnubua ɓewo woi da ɓo njesun dai-dai.

36Yesu wa gna aza ge ɓato wu lafiya labam, ama sa n Wa gnaba ge bato dam, ɓa gna dada nu. 37Ntu ge ce bei wo ɓa n mwa. Cici ɓa cige, “Ɓoho-ɓohoi n Wa zhin, ɓo wowoyi nu, har woi zhin a tnubua gunayi n na takpeɓedayi, ɓai daɓo cewo.”